BLOGAZINE-HK

國寶來港, 行程必經層層批示, 以確保萬無一失。所以, 睇行程, 可以睇到投資機會。

據報導, 今次運動員所有住宿, 由嘉華呂志華包起。呢份皇差, 好多人想巴結, 結果由嘉華勝出, 可以肯定一點, 係佢既努力, 已經簡在帝心。

午宴相當古怪, 以為係贊助商, 又或特區政府付鈔, 開估原來係新鴻基; 再加上今年馬奧選手入住帝都酒店, 沙田個奧馬廣場又o係新鴻基既地盤內, 買韬光養晦既李實發, 不如買新鴻基。

自由時間, 運動員都係人, 都要shopping。斷估國寶們唔會叻到識得指定鋪頭, 例如買相機 , 明知旺角永成/萬成平一大截, 就算國寶出聲, 身邊所有人都會求佢地唔好去。所以, 入到shopping list既商戶, 值得睇好, 情形一如工程公司入到政府既 tender list 內一樣:
第一站, 買LV。呢隻野, 冇得投資, 唔講。

第二站, 買電器, 係百老匯。呢隻野, 照計冇得買, 不過考慮到佢長年慮月既代言人都係英皇, 而且英皇藝人在幾次奧運演出比重之大, 前所未見, 似乎英皇己經有線可以直達天庭, 有得諗下。

第三站: 買珠寶, 周大福。周大福, 係彤哥私有財產, 當然好野, 可惜又係冇得賣。不過可以買下新世界系; 何況, 梁展文單野, 簡值就係佢對高官既招聘廣告, o甘勇猛, 可以加分。唯一要驚, 係驚佢鋒芒太露。

第四站: 顏福偉做私人司機, 車出車入, 本來可以看好白花油, 可惜佢同的士司機單野, 國家應該會介意, 都係唔好搏。

<<doo doo chang>>

—————————————————————————————–