BLOGAZINE-HK

何謂男人最痛呢?

許志安話: “難忍再次偶爾於街中, 望你忐忑因他出現失控, 而男人最痛, 男人最痛算這種。”

踢波果時應該係要害食了一記波餅, 任你如何雄糾糾o既硬漢子也暈得一陣陣。

某友人試過在某一場合遇見三位女仕, 分別係以前暗戀的, 對自己有意思的, 和現在喜歡的, 三位女子不約而同帶來新男友出現。問佢咁算唔算男人最痛呢? 佢話: “又唔係好覺, 不過咁戲劇性o既情節, 真係好想同人分享呀~” 觀其說來興奮的表現, 唔似有講大話。

鐵板活塞男最近演繹了最新款的男人最痛。

記得有個因為暗戀失敗無數次而成為戀愛專家o既大學同學話: “我話呀, 男人最失敗唔係一個女人好憎你, 而係個女人唔記得o左你呀!”

真係咩?

由於公司唔熟o既同事想Add 我MSN, 為o左唔想俾公司o既人知我淫亂o既私生活, 最好做法當然係開個新Account 啦。

響Add 返o的舊人o既時候, 有一個甚少聯絡o既靚女同我say Hi。

心諗: “正~”
點知佢原來係想問: “你係邊個呀?”
咁, 我用新Account, 佢唔知我係邊個都好正常啦~

我: “哦, 我咪亞邊個邊個囉~”
靚女: “Sorry 呀, 真係唔記得…”

我: “我同你一齊睇過戲o架呢! 之前果套咩咩呀”
靚女: “你見過我o架?”
我: “我o地見過好幾次o架啦…”
靚女: “o下, 原來我地咁熟o架o拿?”

原來一個唔係太耐無見, 但無論你點講佢都記唔起你o既人, 的確係幾令人沮喪, 情形就有如和女伴享受閨房之樂時, 女伴的一句:

“o下, 入o左o架o拿?”

“o下, 完o左o架o拿?”

好一個非常具殺傷力o既”o下”字…

如果下次再有咁o既事發生時, 所以我會回應佢: “你係咪白痴o架? 咁都唔記得, 你食屎啦, 我x@$$%!@#…… “

因為我會寧願佢憎我都好過佢唔記得我, 萬一佢真係咁都唔記得我呢, 我以後要盡我所能對呢個女仔好o的, 因為佢係一個難得唔記仇o既好女仔。

<<B.Lex>>