BLOGAZINE-HK

終於有波睇。

英超開鑼, 踢左一場當然唔會有高論,

只不過為自己設想了一些角度,

除左big 4, 可以有理由睇多一隊半隊。

睇曼聯, 真係幾悶。

費sir年年準備充足, 球隊總是在well planned中轉型。

今年C朗扭計, 令過去幾年建立的戰術體系在崩潰邊緣。

如何調較球員既心理,

係我最期待既地方。

至於C朗 ? 不如等貝碧托夫好過。

冇左摩連奴既車仔, 去年繼續強大,

不過仍然活在摩連奴的戰術理念中。

今年有迪高又有大菲,

點樣由強橫壓逼性改為進攻味十足既球隊,

林伯+ 波歷克+ 迪高, 可以點樣並存,

可能係今屆英超最受注目既地方。

今年利記大大聲大手筆入左羅比堅利,

即係要改變季尾好有效既三前鋒踢法, 改踢4-4-2,

即係成隊要重新適應一次。

以為佢會搞搞後防, 點知會買前鋒,

已經有o甘多防中, 仲要巴里,

不如買件中堅好過。

舊年冇人睇好既牛奶兵一鳴驚人,

今年幾件主力出走。

雖然雲格買左幾件好野,

但唔好忘記,

去年既牛奶兵已經合作左幾年,

雲加班波出名要夾,

新人至少一年半載先可以融合

今年, 睇球員潛質好過。

冇左羅比堅尼,

貝碧托夫又話要走,

熱刺真係慘。

除非今年可以入四強, 否則幾難有球星來投。

拉莫斯事竟憑咩野去同人鬥 ?

以山杜士既質素,

有第五已經算贏左。

 

他信又走佬, 仲要問人借錢出糧,

曼城球員真係慘。

繼香港人之後, 又一隊英超俾亞洲人玩,

英國人應該好憎黃種人。

曉士上錯賊船,

睇佢點樣搞好球隊,

不如估佢幾時跳船。

三隊成班馬, 冇錢又冇野心,

邊隊手快執多幾名英超邊緣球員,

就最有機會護級。

睇佢地人腳, 失敗機會比較大。

講真, 仲有邊個有興趣睇十名以外既比賽 ?

 <<doo doo chang>>

——————————————————————————————————–