BLOGAZINE-HK

細個睇金利來o既廣告, 知道咩係男人o既世界。

大個睇Wall E, 知道咩係趨炎附勢o既世界。

[題外話: 真係唔知金利來原來仲有底褲賣!! 果然係男人o既世界]

睇完Batman – The Dark Knight之後, 心滿意足, 再看到不少評論誠讚Wall E絕不比Batman 遜色, 當然不想錯過一套好電影, 連一向少看動畫的我也來看一看這套享富盛名的Wall E。

看後, 並不覺得失望, 不過倒是在頭上滿佈了問號。對劇情自覺應該都算明白, 笑位也算略懂, 但就是有太多不明白的地方: 這套動畫有什麼特別? 有咩咁出色, 點解咁多人讚o既?

以娛樂性來說, 本人覺得Wall E 慬不過不失, 係我無童真唔識笑? 我只可以話我相信小朋友也未必太欣賞。之前看過<<翻生侏儸館>>, 整個戲院的氣氛猶如嘉年華, 不時有小朋友的歡呼和掌聲, 但我看Wall E時, 滿佈小朋友的戲院反應卻是出奇的平靜。

個人睇法是Wall E只是不過不失, 一部好普通的迪士尼動畫, 笑位唔多, 係有好多Message講, 但都是好陳腔濫調的畫晒Wall E o既腸, 劇情也是一般大路加老老土土, 最後一齊唱下 『齊歡唱, 同慶賀』, 一點也不算感人, Pizar o既動畫大抵我只看過<<Toy Story>>, 印象中<<Toy Story>>好得多, 唯一突破只係Wall E 唔識講o野, 無咩對白, 但係我唔覺因為咁就可以話佢係破格之作。

同朋友傾開, 我唔明點解咁多人盛讚, 朋友話: “好多人就係鐘意o的故仔, 簡簡單單, 老老土土, 佢有懶係有好多Message 想講, o的人又會話佢有深度, 所以咪話Wall E好睇o羅!”

咁唔怪之得TVB o既劇成日都有30幾點收視啦…

[真係好感人? 我只怪自己太冷血…]

滿布疑問的我倒是真心的愛虛心學習, 走去Newsgroup 問了一個問題: “唔好意思呀, 我真係覺得Wall E 好普通, 唔明大家點解會覺得佢咁好呀?”

一位熱心的版友回答了: 『有冇留心o的細微位呀? 例如Eve初時只係識執行任務, 後尾受Wall E感染有感情, 又例如Wall E執到個介子要個盒唔要個介子, 就好有深度, 我o地常人一定覺得介子先係好珍貴, 但響Wall E睇中, 就反而覺得個盒先實用…』

在我眼中, 一個只係有點老土的平常笑位, 原來背後有著這麼重大的意義, (其實洋人只是細個沒有看成語動畫廊中的 『買櫝還珠』, 流傳年數千年的故事, 都不只是有點老土吧?)

有時, 電影本身有無意義, 其實都幾需要看者無限的暇想, 雖然很多人都垢病TVB的是師奶劇, 無深度, 但早前看了一集半集<<師奶股神>>, 卻覺得語之有物, 劇中商天娥開的是理髮店, 穩喻了 股民們『有頭髮邊個想做瘌痢』, 另外劇中商天娥有兩個小朋友, 一男一女, 諷刺了現今社會男女失均的現象, 而商的丈夫實際年紀比謝天華大, 就明確指出現今普遍的姐弟戀, 還有林家華回流就是指出…

看了Yahoo 一個只俾Wall E一粒星評分的網民說得好: “唔係有Message就係好電影!”

如果有Message 就係好電影, 那麼我也即值寫個最佳劇本: 『從前小明很愛環保, 因為他知道如果不愛地球, 地球會生病的, 他對朋友好好, 因為朋友是很重要的, 小明也很孝順, 小明也知道如果不努力工作是不對的, 小明對愛情很專一, 他也很少上網, 因為不運動不健康…』

[即使Eve 那高科技的造型也給盛讚… 其實要讚, 應該讚Apple 吧?]

隱約想起張震嶽的一句歌詞: “想太多, 未有用”。

其實我倒接受別人喜歡我不愛的東西, 不過即使那個豬扒心地好好, 又有教養, 好多男仔都喜歡, 追求者眾… 但不要給我說 『因為佢靚女囉!!』

<<B.Lex>>