BLOGAZINE-HK

利物浦對曼聯, 真係好好睇, 要速度有速度、要戰術有戰術、要對抗有對抗, 睇到眉飛色舞。

曼聯新買貝碧托夫, 立刻擺大個頭, 寧可要朗尼踢邊, 都要出三個前鋒, 果然立竿見影, 三兩下就入一球。有了貝碧的曼聯, 進攻模式攻加清楚, 禁區內以貝碧做第一個進攻點, 迪維斯做第二個進攻點, 而朗尼, 就負責插入。 

貝碧在前線既角色, 有d似以前既雲佬, 似乎費sir既mindset又改左, C朗既重要性在下降中

阿拉伯有錢佬突然入主曼城, 天價買入羅賓奴, 之後開出的球員名單唔係卡卡就係美斯, 氣大財疏, 邏輯只得一個: 有錢就可以買到好球員, 有好球員就可以有好成績。

先有車路士, 再有曼城, 表面上是英超盛世, 實際卻是英超泡沫。英國人, 未到2012倫敦奧運, 隨時要面對泡沫爆破。
 
 

問題是, 用錢就可以複制車路士的成功嗎 ?當然, 車路士的成功是在阿巴莫域治入主之後, 才奪得冠軍令人畏懼。表面上, 是大老板的家財在發揮作用, 實際上, 車路士由古烈治、蘇拿年代已經建立起其強隊形像, 前後已經10年, 整個球會的行政及管理架構漸漸完備, 阿巴莫域治的金錢只是在最適當時候發酵。
 
 
 
 

終於有波睇。

英超開鑼, 踢左一場當然唔會有高論,
只不過為自己設想了一些角度,
除左big 4, 可以有理由睇多一隊半隊。

呢個球季最觸目而又最悶o既轉會消息一定係 C. 朗拿度 o既轉會新聞, 傳o左咁耐, 一時又C朗個老豆又話佢已經轉o左會, 一時佢又話決定留隊, 一向無所事事o既白禮達又話C朗簽o左約就唔可以再自由轉會同奴隸無分別 (咁簽約黎做乜?)。

[上年當佢神咁拜o既曼聯球迷, 應該用咩心態對呢個反骨仔呢?! 好矛盾呀!!!]
 

暑假係球隊組班時間, 未來幾季成功與否, 好可能係呢個暑假決定, 有人會做老襯, 亦有人會做大羸家, 呢個時候, 勝負關鍵往往唔係領隊, 而係球會行政人員: 識幾多波冇用, 最緊要識講數。
 

曼聯
本來加多一個半個球員就可以繼續爭標, 點知C朗扭計, 過去幾年甚至未來幾年既戰術核心, 隨時付之一旦。萬一皇馬搞掂左, 曼聯都幾大鑊, 到時又要用幾年時間重新打造球隊。

不過最新話C朗要做手術休幾個月, 照計過唔到皇馬, 即使俾佢轉到會, 皇馬會以佢為核心建立一套戰術體系咩 ?但係轉唔到會, 又會點影響曼聯士氣呢 ?

C朗轉會, 最大可能係三敗俱傷。

真係唔明C朗扭乜, 如果最後留番在紅魔, 你估佢仲有冇好日子過 ?

今年歐洲盃, 主流踢法都係4-5-1, 就以決賽為例, 德國以高路斯做單箭頭, 波歷克隠於其後,做前場進攻的發動者; 而西班牙就以托利斯為單一前鋒, 身後的費比加斯策劃, 由其它中場球員輪流插上。
再數下去, 荷蘭的雲佬, 葡萄牙的紐奴高美斯, 意大利的東尼……, 可以預見, 單前鋒會是未來的戰術潮流。
 
從陣式而言, 比較特別的是德國、荷蘭及葡萄牙。
 

 
 
 
8強賽, 只看了三場, 眼見為實, 唔講克羅地亞輸給土耳其。
 

理性vs技術
德國用最基本的戰術戰勝技術最好的葡萄牙。
 
葡萄牙的戰術很簡單, 就是盡量利用邊線拉散 / 突破對手防守, 再快速切入中路; 德國的應付更簡單, 防守上, 在邊線阻斷葡萄牙雙翼的起動, 再在中路塞滿防守球員, 令葡萄牙的中場線無法滲入; 進攻上, 獨沽一味高波(嚴格來說是定點罰球)。
葡萄牙之敗, 是敗在太依賴個人技術, 在戰術上太單一。
 
迪高才是葡萄牙進攻的核心, 數今屆葡萄牙最佳球員, 一定係佢。
 

葡萄牙, 可能係今年參賽隊伍中最有貢獻的一隊。
 
 

最新的戰術理念是盡量利用邊鋒拉散對手防線, 而且, 邊鋒的主要責任不是落底線出波(這個責任還是留給翼衛吧), 他們更多是突然內切創造機會, 至於傳統作為比賽終結者的前鋒, 角色更日漸淡化。

就這點而言, 葡萄牙可謂發揮得淋漓盡致, 除了C朗之外, 邊鋒人數多不勝數, 至於唯一一個前鋒紐奴高美斯, 雖貴為隊長, 但兩場均半途被換, 也就是說, 葡萄牙在賽事中多次出現沒有前鋒的進攻陣式。

單此而言, 葡萄牙其實是戰術的革新者。

C朗踢邊鋒, 可以講天下第一
 
 

荷蘭羸意大利, 在於體力化、在於年青、在於中場的身體對抗。
早在鄧納東尼選派路做中場核心, 就注定了雲巴士頓今場的部署。還記得歐冠AC米蘭被阿仙奴淘汰一場, 派路、加度素及岩布仙尼的AC中場徹底被阿仙奴牛奶仔的青春擊敗, 今場同出一轍, 不同的是阿仙奴的青春是活力, 荷蘭的青春是身體對抗。

鄧東納尼既意大利隊人人過30, 佢真係冇諗過老人家會腳軟既問題 ?

歐洲國家盃, 我會…..
   
終於又到歐洲國家盃, 今次一定唔會落bar睇。