BLOGAZINE-HK

利物浦對曼聯, 真係好好睇, 要速度有速度、要戰術有戰術、要對抗有對抗, 睇到眉飛色舞。

曼聯新買貝碧托夫, 立刻擺大個頭, 寧可要朗尼踢邊, 都要出三個前鋒, 果然立竿見影, 三兩下就入一球。有了貝碧的曼聯, 進攻模式攻加清楚, 禁區內以貝碧做第一個進攻點, 迪維斯做第二個進攻點, 而朗尼, 就負責插入。 

貝碧在前線既角色, 有d似以前既雲佬, 似乎費sir既mindset又改左, C朗既重要性在下降中

阿拉伯有錢佬突然入主曼城, 天價買入羅賓奴, 之後開出的球員名單唔係卡卡就係美斯, 氣大財疏, 邏輯只得一個: 有錢就可以買到好球員, 有好球員就可以有好成績。

先有車路士, 再有曼城, 表面上是英超盛世, 實際卻是英超泡沫。英國人, 未到2012倫敦奧運, 隨時要面對泡沫爆破。
 
 

問題是, 用錢就可以複制車路士的成功嗎 ?當然, 車路士的成功是在阿巴莫域治入主之後, 才奪得冠軍令人畏懼。表面上, 是大老板的家財在發揮作用, 實際上, 車路士由古烈治、蘇拿年代已經建立起其強隊形像, 前後已經10年, 整個球會的行政及管理架構漸漸完備, 阿巴莫域治的金錢只是在最適當時候發酵。
 
 
 
 

國寶來港, 行程必經層層批示, 以確保萬無一失。所以, 睇行程, 可以睇到投資機會。
據報導, 今次運動員所有住宿, 由嘉華呂志華包起。呢份皇差, 好多人想巴結, 結果由嘉華勝出, 可以肯定一點, 係佢既努力, 已經簡在帝心。

終於有波睇。

英超開鑼, 踢左一場當然唔會有高論,
只不過為自己設想了一些角度,
除左big 4, 可以有理由睇多一隊半隊。

當人人話opening只不過是一場show, 何必認真, 我呢份人特別千奇百怪, 仍然死抱奧林匹克精神去要求, 越睇越多唔順超, 認真抵死。

歌唱祖國
開場搵小女孩唱”歌唱祖國”, 認真怪: 國慶文藝晚會就話唶, 奧運開幕第一首歌竟然歌唱社會主義祖國, 怪雞之餘, 猶如果美國搞奧運唱”born in U.S.A.”。

去年股市旺盛, 上討論區打個轉, 會見到大量股神指點迷津, 難得真係有唔少股民問number。

時移世易, 大市逆轉, 各位股俠集體失蹤, 不足為奇; 奇就奇在竟然還有大量股神繼續教化社會大眾。好奇心下, 翻睇各位網上股神言行, 發現只要跟足下面幾條規則,  原來人人可以做股神 —- 只限網上。

去年手痕, 學人買樓, 結果中伏!!

炒炒賣賣, 有輸有贏, 你情我願, 本來冇得怨天尤人。不過, 輸比班agent, 真係大開眼界。 
 
睇樓前, 做足功課, 上網睇成交價, 市價大約140萬。 到了睇樓時, 最平150萬;作為精明投資者, 轉頭問其他agent, 結果係140萬既已經賣曬。於是落鎚。三日後, 竟然發現有13x萬既成交出現。 

明明話冇曬貨, 筍盤何來 ? 
 

見大家講「蝙蝠俠 – 黑夜之神」講得高慶, 我又講埋一份。
 
B.Lex 同we-wet 講左好多蝙蝠俠同joker既內心分析, 講得好過好多影評人。睇商台網, 盧覓雪話joker 先係主角, 嚇我一跳。
 
今次電影主題, 係英雄同壞蛋既分別, 「以暴易暴」就係兩者之間的界線。Joker千方百計激發蝙蝠俠內心的陰暗面:  沒有蝙蝠俠, joker就只會淪為一個沒有靈魂的精神病者; 反過來說, 沒有joker, 就看不到蝙蝠俠的內心世界。電影的中心點, 就是蝙蝠俠 的內心鬥爭。
 
Why so serious ? joker是即興是精神錯亂的無政府主義者, 和蝙蝠俠對照, 他是id而蝙蝠俠是superego。蝙蝠俠一直在壓抑自己的id, 到最後為了維護高咸城而寧可犧牲個人, 也是一個理性的抉擇。如果沒有joker的放蕩, 我們不會明白蝙蝠俠的內心爭扎。
 
 
 蝙蝠俠同joker, 只不過是coins的兩面。我甚至懷疑精神病的是蝙蝠俠, joker 只不過是他的心魔, 就像fight club。
 

呢個球季最觸目而又最悶o既轉會消息一定係 C. 朗拿度 o既轉會新聞, 傳o左咁耐, 一時又C朗個老豆又話佢已經轉o左會, 一時佢又話決定留隊, 一向無所事事o既白禮達又話C朗簽o左約就唔可以再自由轉會同奴隸無分別 (咁簽約黎做乜?)。

[上年當佢神咁拜o既曼聯球迷, 應該用咩心態對呢個反骨仔呢?! 好矛盾呀!!!]
 

暑假係球隊組班時間, 未來幾季成功與否, 好可能係呢個暑假決定, 有人會做老襯, 亦有人會做大羸家, 呢個時候, 勝負關鍵往往唔係領隊, 而係球會行政人員: 識幾多波冇用, 最緊要識講數。
 

曼聯
本來加多一個半個球員就可以繼續爭標, 點知C朗扭計, 過去幾年甚至未來幾年既戰術核心, 隨時付之一旦。萬一皇馬搞掂左, 曼聯都幾大鑊, 到時又要用幾年時間重新打造球隊。

不過最新話C朗要做手術休幾個月, 照計過唔到皇馬, 即使俾佢轉到會, 皇馬會以佢為核心建立一套戰術體系咩 ?但係轉唔到會, 又會點影響曼聯士氣呢 ?

C朗轉會, 最大可能係三敗俱傷。

真係唔明C朗扭乜, 如果最後留番在紅魔, 你估佢仲有冇好日子過 ?