Archive for the 'blogging' Category
Facebook 有女Add你 之 Add你果個唔係人!!!
0 Comments Published by B.Lex September 8th, 2008 in "writer - B. Lex", blogging.唔駛驚, 唔係人o者, 都唔一定係鬼o黎。
話說最近有個女仔Add我, 雖然一o的都唔靚, 不過正所謂食得唔好o徒, 有Add唔Add, 罪大惡極, 當然係先Add 為快啦。
Ebony Hung
Hello….. I have several friends on my facebook, and I want to
invite you to join our interesting group of friends.
We can form a group of people with the same interests and hobbies….
can I add you to my friends list and be your friend?
靚女特別受歡迎, 基本上係不爭o既事實, 只要響facebook 亂click 幾下, 靚女的”朋友”一定特別多。
近期最受關注的美少女, 相信是那位不幸被大樹壓死的美少女。
何謂男人最痛呢?
許志安話: “難忍再次偶爾於街中, 望你忐忑因他出現失控, 而男人最痛, 男人最痛算這種。”
踢波果時應該係要害食了一記波餅, 任你如何雄糾糾o既硬漢子也暈得一陣陣。
某友人試過在某一場合遇見三位女仕, 分別係以前暗戀的, 對自己有意思的, 和現在喜歡的, 三位女子不約而同帶來新男友出現。問佢咁算唔算男人最痛呢? 佢話: “又唔係好覺, 不過咁戲劇性o既情節, 真係好想同人分享呀~” 觀其說來興奮的表現, 唔似有講大話。
看了一半的奧運會, 往年可能時間問題, 看得比較少。今年始終係中國舉辦, 倒是有更多關注。
印象最深刻一定係男子一百米飛人保特, 你邊有睇過有人最後衝線係攤開雙手兩頭望? 最恐怖係咁都可以破世人最關注o既一百米紀錄, 相信佢平日練習都知自己可以帶出幾多, 真係好想睇佢認認真真咁跑一次, 好想真正咁感受下佢最強o既衝刺力。
[真係成條街…]
在以前, 女仕的適婚年齡為30歲前, 有一個說法為: 25歲後的單身女性會特別進取, 以爭取到一個可以在30歲前達成她結婚心願的對象, 但如果過了30歲後還未覓得一如意郎君, 反而會變得失了動力, 可能係因為30歲前結婚的心願既然無法達成, 那好多事就已經變得不再重要。
近年, 可能因為女性早已經濟獨立, 而且遲婚的趨勢影響下, 30大關對單身女性始乎失去了過往的重大意義, 那對單身男性又如何?
最近幾名年近30又單身的住家男性講開, 不約而同的答覆係: “對女性的追求興趣下降中”。
當然我絕不排除當中有些是抱著吃不到的葡萄是酸的電車男心態, 不過也有不少似乎是真心作答, 其實也不無原因。
基於我入去不能游, 出水跳唔起o既關係, 個人係有一段極長時間係無去過海灘, 呢一兩年去返, 發覺倒是錯失了不少歡樂時光。
唔鐘意去海灘可以有好多原因, 其一係好多人都話海灘好污漕, 不過當泳池都有一大堆紅蟲o既時候, 我相信海灘最多只會有咸死晒o既紅蟲(被咸死的紅蟲是不是死咸蟲呀? 好爛呀!)。
另一個唔想去海灘o既原因係基於兩個童年陰影:
1)細個成日有個政府電視廣告話有個人響海入面踐o左落一塊有釘o既木上面, 好痛!
2)電影入面o既大白鯊可以游得上岸o架!
好多人都話靚女多數配醜男, 作為一個中學理科o既人, 我追求o既係解釋, 俾個解釋我!!
響 Newsgroup 睇到一個咁o既見解:
“我個靚女朋友話靚女o黎講, 由於由細到大都係咁俾人讚佢o地靚, 所以呢靚女都會覺得自己除o左靚之外一無是處, 反而變得好無自信(即使表面好有自信)。又因為覺得自己除o左得個樣之外就乜都無, 所以會好無安全感, 所以會傾向搵醜男, 因為醜男會俾到安全感佢o地”
睇o左今期壹週刋, 裡面提到家下興起的拍拖網站, 網站會出租一d少女俾男仕們去同佢地拍下拖, 只準拖手談下心, 唔俾攬唔俾錫, 抽水免問。 據聞頗受一些中年男仕歡迎, 而出租少女也樂於有收入又唔係賣淫, 所以有不少少女加入。
其實我真係唔係好明俾錢租個女朋友去街玩有乜謂, 作為一個麻甩佬, 我絕對理解點解大家要去召妓, 但係俾$400 - $500 去同一個少女出兩三粒鐘o既街, 我真係唔明呀。 好似話唔少男人希望重拾初戀o既感覺喎, 不過呢d咁俗氣o既出租少女, 點樣可以俾到人戀愛feel 呢?!
一路都有聽開收音機, 由細到大只聽903。 老老實實, 我係有聽o既習慣, 但係唔代表我鐘意聽, 尤其覺得近年903 的節目水準的確太低, 只不過係聊勝於無。
更老老實實係, 一路都唔太喜歡卓韻芝, 雖然覺得佢的確有些小創意, 但又如坊間提及的麼才女級數, 經常以專家口吻分析事物, 卻發現其實錯漏百出, 所以不存在什麼好感。
[聽五天精華遊, 卓韻芝o既拍檔余迪偉明顯比什麼事都剎有介事的卓見多識廣得多]
有時同朋友講開: “其實又唔覺佢好Creative, 讀書又唔係多, 但係就有個大機構不斷俾機會同捧佢, 佢真係幾幸運~”
你大可以話與她同年的我酸溜溜吧? 我倒不否認, 不過覺得佢很幸運卻是真心的。
最近聽到佢離開的消息, 再聽下其節目, 似乎佢o既離開帶著半點需要散心的味道。
我: “俾你揀呀, 你寧願做你自己定係做卓韻芝呀?”
朋友: “梗係做佢啦, 事業發展順利, 又多機會, 可能佢係好努力, 不過我都一樣好努力呀!”
我: “但係佢生活好似好唔開心喎?”
朋友: “我生活其實都一樣好唔開心o架喎!”
我: “咁又係, 可能其他人過我地o既生活一早頂唔順添… 不過佢親人相繼離開o左佢喎好似話…”
朋友: “咁緊係唔計呢o的啦!”
我: “邊有得咁計法…”
諗到呢度覺得其實人o既命運都幾公平, 總有一些地方是有遺憾的。
朋友: “痴線, 有o的人真係邊方面都好o架!”
我: […]
最近見緊工, 又遇到見工經常發生o既事。
首先係衣著打扮, 見工當然要著老西加打呔啦, 問題有兩個:
1 大熱天時, 你叫人點著老西呀?
2 平日著開casual wear 返工, 無啦啦著老西, 點同o的同事交代?
